Një aksident i rëndë ka ndodhur mbrëmjen e sotme në Shkodër. Të dhenat paraprake bëjnë me dije se aksidenti ka ndodhur në aksin rrugor Shkodër-Hani i Hotit, afër fshatit Shtoj.
Sipas të dhënave të para mësohet se ka mbetur një personi vdekur, dhe një tjetër është plagosur. Gazetari Seand Nikshiqi raporton se viktima është Besnik Beci, ndërsa ka mbetur e plagosur gruaja e tij Alketa Beci, e cila është transportuar në spital.
Sipas informacioneve që vijnë nga policia bëjnë të ditur se një makinë ka përplasur një çift bashkëshortësh dhe si pasojë burri ka humbur jetën, ndërsa gruaja është plagosur.
Çifti ishte duke ecur në këmbë në momentin kur janë përplasur nga makina.
Nuk dihen ende rrethanat si ka ndodhur aksidenti, ndërsa policia ka mbërritur në vendin e ngjarjes dhe ka nisur punën për zbardhjen e rrethanave. Drejtuesi i mjetit që shkakoi aksidentin nuk është identifukuar ende pasi është larguar nga vendi i ngjarjes.
