Nuk mund të mungonin as shqiptarët. Britania e Madhe ka publikuar listën me 37 personat më të kërkuar, burra dhe gra. Mes tyre janë edhe tre shqiptarë. Emrat e publikuar nga policia britanike identifikojnë Anton Krasniqi, Bledar Zefi dhe Marjo Marku. Bashkë me emrat, janë publikuar edhe fotot e tyre, madje me rezolucion të lartë që të dallohen edhe tiparet e tyre.
Fytyrat e 37 personave do të shfaqen publikisht në dy automjete, për të ndihmuar autoritetet në gjetjen e tyre, duke inkurajuar personat që kanë dijeni të japin informacion. Mediat britanike raportojnë se shumica e personave janë në kërkim pasi akuzohen për krime që kryesisht lidhen me vjedhje dhe grabitje me dhunë.
“Këta shkelës të ligjit kanë grabitur, vjedhur ose mashtruar udhëtarët dhe turistët brenda Londrës, shpesh duke përdorur dhunë dhe armë, për fitimin e tyre financiar. Kush ka informacion për këta kriminelë u bëj thirrje njerëzve që të na informojnë sa më shpejt që të jetë e mundur. Një telefonatë mund të zgjidhte ose edhe të parandalonte një krim.”, tha kryeprokurori Jim Corbett.
