Shpejtësia e lartë dhe mungesa e ndriçimit ka çuar në përplasjen fatale ndërmjet dy makinave ne vendin e quajtur Fushë-Gjoricë në aksin Bulqizë-Maqellarë në rrugën e Arbrit, ku për pasojë kanë ndërruar jetë 3 persona dhe 4 të plagosur rëndë. Disa nga të plagosurit janë dërguar në spitalin e Bulqizës dhe ndodhen në gjendje të rëndë për jetën.
Bëhet me dije se përplasja ndërmjet makinës tip ‘Benz 240’ dhe mjetit tip ‘BMW’ ‘kokë më kokë’ ka qenë shumë e fortë dhe makinat janë dëmtuar pothuajse plotësisht në pjesën e përparme të tyre.
Mësohet se 3 viktimat janë me të njëjtin mbiemër, konkretisht kanë humbur jetën Kujtim Istrefi, Murat Istrefi dhe Lulzime Istrefi. Dy prej viktimave, Kujtim dhe Murat Istrefi janë vëllezër.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
