Javë e suksesshme ka qenë kjo e katërta e kampionateve të moshave për ekipet e Akademisë Vllaznia. Për ekipin e 19 vjeçarëve ka qenë e pritshme kjo gjë dhe kete e kane reflektuar edhe ne fushen e lojes.
Vllaznia U19 ka bërë detyrën duke siguruar një tjetër fitore dhe pas javës së katërt kryeson e vetme renditjen. Në ndeshjen e luajtur në fushën sportive “Reshit Rusi”, ajo ka fituar me rezultatin e pastër 4-0 ndaj Shkëndisë së Durrësit.
Në pjesën e parë ka qenë mbrojtësi Smajli që ka zhbllokuar rezultatin ndërsa në pjesën e dytë janë shënuar tre golat e tjerë, me autorë Papajn me 11-metërsh, Alivodën e Perloshin.
Në këtë mënyrë tashmë ekipi i drejtuar nga trajneri Luan Zmijani me këtë trepikësh është ngjitur në kuotën e 10 pikëve dhe mban vendin e parë në renditje duke treguar se do të jetë një pretendent i fortë për titullin kampion këtë sezon.
Vllaznia U19 ka perfituar nga humbja e ekipit te Shenkollit dhe per rrjedhoje kryeson i vetem renditjen e ketij kampionati.
…………….
Vllaznia U17 me ne fund gjen fitoren. Ajo i jep fund serisë së rezultateve negative në javët e para te kampionatit duke fituar kete here me rezultatin e thelle 6-1 ndaj Shkendise se Durresit.
Tek kjo ndeshje është vërejtur një dominim i plotë i skuadrës së drejtuar nga trajneri Brikeno Bizi.
Ndonëse loja nuk nisi mirë sepse Zaganjori ka humbur një 11-metërsh të dhënë për ekipin e Vllaznisë, ka qenë Kodra që ka zhbllokuar shifrat në minutën e 23-të.
Po ky futbollist do të shënonte edhe në fillimin e pjesës së dytë duke i hapur rrugë fitores së thellë 6-1 ku kanë shënuar edhe Zaganjori, Shimaj, Dodaj e Guri ndërsa goli i Ukës për durrsakët ka shërbyer thjesht për statistikë.
Vllaznia U17 në këtë mënyrë merr fitoren e parë në kampionat pas 3 humbjeve të pësuara fillimisht dhe padyshim që pritet ngjitja e saj në renditje javët e ardhshme.
