Teuta në krizë totale, teksa Egnatia rikthehet te fitorja pas nëntë javësh. Ekipi i Zekerija Ramadanit mposhti 1-2 kampionët në fuqi në “Elbasan Arena”, duke siguruar tre pikë të arta për objektivin mbijetesë.
Artur Magani realizoi dy golat e fitores për ekipin rrogozhinas, që i jep fund ecurisë prej tre humbjeve radhazi dhe i dhuron triumfin e parë trajnerit nga Shkupi.
Bie sërish Teuta e Edi Martinit pas disfatës në kryeqytet kundër Tiranës kryesuese. Humbja e pestë në Abissnet Superiore për skuadrën bregdetare, që renditet në vend të gjashtë me 18 pikë, 4 më shumë se Egnatia.
Teuta – Egnatia 1-2 Georgiev 78’/ Magani 45’+3, 66′
