Eduart Grishaj dhe Arbana Osmani kurorëzojnë në martesë në Itali dashurinë e tyre, regjisori zbulon detajin që nuk dihej…

Regjisori Eduard Grishaj dhe partnerja e tij, moderatorja Arbana Osmani do të celebrojnë lidhjen e tyre me një ceremoni të veçantë në Toskana, Itali këtë fundjavë.

Vetë Eduardi ka dhënë detaje rreth ceremonisë, ku ka treguar se të pranishëm në ceremoni nuk do jetë shumë pjesëmarrës, relativisht 120 persona. Sakaq një detaj që nuk e kishte rrëfyer çifti ishte fakti se dyshja përveç celebrimit do të ketë dhe një ceremoni në kishë.

Pse Toskana?

“Unë dhe Arbana lëvizim goxha, një nga vendet që na pëlqen shumë është Toskana dhe menduam që dasma të mbahet aty. Do të jenë rreth 120 vetë, i pari që do këndoj do jem unë dhe 30-50 janë këngëtarë. Do bëjmë një ceremoni në kishë, do zgjasë 3 ditë. Ia kam lënë në dorë Arbanës që të merret me organizimin”, tha ai tek ‘Galeri’.