Kryeministri Edi Rama ka ftuar opozitë që të ulen në një tryezë për të miratuar reformën zgjedhore, sipas propozimeve të pakicës. Sipas Ramës me që opozita zgjodhi të rrinte rrugës, dhe se maxhoranca nuk ka mandat për t’i dhënë pushtet PD-së dhe LSI-së. Kryeministri sfidoi opozitën se do të pranojë të shkojë në zgjedhje të parakohshme, nëse PD dhe LSi do të fitojnë në zgjedhjet e ardhshme vendore një bashki me shumë se maxhoranca.
“Vetë e zgjodhët të rrinit rrugëve, rrugëve do rrini. Ne s’kemi mandat për t’ju dhënë pushtet juve.
Unë e kam një ftesë për ju, jeni ju që ja keni rrokanisni kokën ndërkombëtarëve për reformën zgjedhore.
Hajdeni ulemi ta miratojmë sëbashku atë reformë, të biem dakord t’i eksperimentojmë në disa zona edhe votimin dhe numërimin elektronik. Me që keni shumë qejf shit-blerjen e votës, do miratojmë çdo masë që do propozojë në Parlament doktoresha e shit-bjerjes së votës. Ne i votojmë vetë në Parlament me deputetë e rinj që ju i keni zgjedhur. Nëse ju në zgjedhjet e 30 qershorit, do fitoni një bashki më shumë se ne. Jemi të gatshëm të shkojmë në zgjedhje të parakohshme. E di që ju s’do e pranoni këtë sfidë. Ju se mundni dot PS as në Kukës dhe as në Skrapar, dhe lerë pastaj në të gjithë Shqipërinë”, tha Rama, teksa i ka quajtur anëtarët e opozitës i një “shportë karavidhesh”.
