Vllaznia barazoi me rezultatin 2-2 në transfertën e Laçit. Pas ndeshjes foli trajneri i kuqebluve, Tomas Brdariç. Brdariç deklaroi pas ndeshjes:
“Jam i lumtur që kishim mundësi të ktheheshim në lojë pas rezultatin 2-0, tregon mentalitet dhe karakter. Kur ndryshuam diçka, mundëm të rriteshim në lojë dhe kjo është pozitive. Nuk jam dakord me çfarë bëmë në minutat e para të lojës. Provuam të luajmë shkurt në këtë fushë, ishin duke pritur për gabimet tona. E dinim që janë mirë në tranzicion, ikin mirë në thellësi. Dinim çdo gjë. Kur nuk arrin të bësh idetë e qarta, çfarë mund të them. Prandaj të vjen keq, por në fund të ditës jemi në rregull me 1 pikë.
Kishim dy opsione, të rrinim 4-1-4-1 dhe 4-2-3-1, por lojtarët duhet të vendosin në situata. Të kuptojnë lojën. Një-dy herë gabuam. Mund të rregullojmë, kemi opsionin, por në atë moment bëmë gabim, nuk kishim mbrojtje nga qendërmbrojtësit. I lam të marrin fushë, humbëm duele dhe kjo ndodh, mund ta parandalojmë me vendosje tjetër. Shpresojmë ta shikojmë herën tjetër dhe të rregullojmë gabimin që bëmë.
Mund ta kishim bërë, të rrinim 1 kundër 1 dhe jo ato të kishin më tepër lojtarë, të ishim më kompakt. Në fund, pasi mbyllet ndeshja, je gjithmonë më i gëzuar.
Me pjesën e dytë jam komplet i kënaqur. Treguam dëshirë për të ndërruar rezultatin, për pak do shënonim të tretin. Nuk mund të kesh çdo gjë, sidomos kur nuk luan mirë në pjesën e parë. Nuk mund të thuash 100% mirë, mund të them 67% në rregull.
Në futboll profesionist, çdo situatë nuk mund ta ndryshosh shumë shpejt. Duhet të shikoj edhe njëherë. Do bëjmë analizën, të zgjidhim problemet më shpejt. Ky është problemi ynë kur rrijmë lart në presing. Na duhen lojtarë të gjatë, koha e duhur dhe të ruhet shoku mbrapa. Neglizhuam pak komunikimin.
Bëmë ndryshime për të ndryshuar rezultatin, erdhëm për 1 pikë. Të gjithë e dinë se është e vështirë të luash këtu, duhet të luash sa më thjesht, të jesh sa më efektiv. Morëm risk në pjesën e dytë, por funksionoi me dy gola të shënuar.
Kryesore është se kemi konkurrencë të mirë. Po presim nga lojtarët e stolit që të japin rezultat, ndjesi të mirë dhe të bëhen të gatshëm 1 ditë për formacion. E dimë që sakrifikuan prej ndeshjes së fundit që shkoi me penallti. Sot ndryshuam pak shpejt, por ishte rezultati i keq në pjesën e parë. Mund të fitonim, por me 1 pikë jemi në rregull”, u shpreh Brdariç për RTSH.
