Kryeministri Edi Rama pritet të jetë në Shkodër të hënën e 8 qershorit 2026. Pritet, pasi edhe dy herë të tjera është paralajmëruar një vizitë e tij në qytetin më të madh të Veriut por është anuluar për shkak të impenjimeve të tjera.
Sipas informacioneve, shefi i qeverisë, i shoqëruar nga kryebashkiaku Benet Beci, deputetë të Shkodrës dhe ministri shkodran Enea Karakaçi, edhe drejtues politik i Qarkut të Shkodrës, ka një agjendë mjaft të ngjeshur.
Kryeministri pritet të inspektojë disa nga kantieret ku po punohet në Shkodër apo edhe aty ku kanë përfunduar investimet. Parashikohet edhe një takim me strukturat e PS- së, i paralajmëruar të zhvillohet në kalanë Rozafa.
“E treta e vërteta”, nëse kryeministri Rama do ta zhvillojë vizitën në Shkodër me 8 qershor 2026. Nëse do të ndodhë këtë herë, kjo vizitë do të realizohet 48 orë pas protestës për Zvërnecin në Shkodër.
