E RËNDË – Vajza 2- vjeçare në Shkodër bie në enë me ujë të nxehtë, dërgohet me urgjencë në QSUT

Specialistët për Hetimin e Krimeve të Komisariatit të Policisë Shkodër referuan materialet në Prokurori, për vlerësim, për rastet e mëposhtme:

-ditën e djeshme, në lagjen “Skënderbeg”, në banesat sociale, një fëmijë 2 vjeç, dyshohet se aksidentalisht ka rënë në një enë me ujë të nxehtë dhe ka pësuar djegie. Pasi mori ndihmën e parë mjekësore në Spitalin Rajonal Shkodër, vajza u transportua në QSUT;

-në orët e para të mëngjesit, në aksin rrugor “Shirokë-Shkodër”, dyshohet se për shkak të një defekti elektrik, ka rënë zjarr në automjetin në lëvizje, me drejtues shtetasin M. D., 36 vjeç, banues në fshatin Hot i Ri. Për pasojë është djegur pjesërisht automjeti;