Nuk ia doli Anxhela Byku. Vajza shqiptare 20-vjeçare, e cila të martën ra në oborrin e pallatit nga një lartësi prej rreth tetë metrash, vdiq dje në spitalin e Piaçencës ku ishte shtruar menjëherë pas ngjarjes. Gjendja e saj qe duket që në fillim e dëshpëruar aq sa edhe një transferim në spitalin e madh të Parmës, i vlerësuar nga mjekët në fillim, rrezikonte të komprometonte një kuadër klinik tashmë shumë delikat.
Angi, kështu e quanin të gjithë, e lë burrin, prindërit dhe shumë miq që këto ditë i kanë dëshmuar praninë e tyre duke shpresuar në një mrekulli. Vajza jetonte prej një muaji me burrin në një apartament në katin e dytë të godinës në rrugën Beverora, në numrin 27. Imazhet në rrjetet sociale, edhe ato më të fundit, e tregojnë atë në momente të lumtura jete.
Dhe kështu mbetet një mister vërtet, në sytë e të gjithëve, të kuptohet se çfarë mund të ketë ndodhur të martën në mëngjes pak pas orës 10 kur Anxhela ra nga galeria e brendshme e shtëpisë së saj. Të gjitha hipotezat hetimore mbeten zyrtarisht në këmbë edhe pse hetimet e karabinierëve duket se e përjashtojnë gjurmën e tentativës së vrasjes.
Një fatalitet tragjik duket se mbizotëron mbi një veprim të dëshpëruar. Diçka më shumë me siguri mund të thotë rezultati i autopsisë që prokurori që po koordinon hetimet duhet ta autorizojë pikërisht në këto orë.
