Komisariati i Policisë Shkodër referoi materialet në Prokurori, për vlerësim, sepse pasditen e djeshme, shtetasja R. C., 70 vjeçe, banuese në fshatin Drisht, dyshohet në gjendje të rënduar psikologjike, ka konsumuar fostoksinë dhe si pasojë ka humbur jetën në Spitalin Rajonal Shkodër.
Komisariati i Policisë Shkodër arrestoi shtetasin M. B., 62 vjeç, banues në Shkodër, pasi në lokalin e tij, gjatë këqyrjes së celularit, i janë konstatuar faqe për bastet sportive.
Policia Kufitare në PKK Muriqan ndaloi shtetasin e shpallur në kërkim A. A., 35 vjeç, banues në Kamëz, pasi ka kallëzuar shtetasja D. B., se ai i ka marrë automjetin, me anë të mashtrimit, dhe nuk ia ka kthyer.
Specialistët për Hetimin e Narkotikëve të DVP Shkodër referuan materialet në Prokurori, ku nisi procedimi në gjendje të lirë për shtetasin O. Gj., 20 vjeç, banues në Milano, pasi në PKK Muriqan, në dalje, gjatë kontrollit fizik iu gjet një sasi e vogël lënde narkotike cannabis sativa, e cila u sekuestrua në cilësinë e provës materiale.
