Një sulm i dhunshëm ndodhi mbrëmjen e 17 majit pranë kryqëzimit të Rrilës në Lezhë. Ngjarja u regjistria rreth orës 18:40 ndërsa objektiv i këtij sulmi ishte 20 vjeçari Edi Dacaj nga fshati Rrilë. Sipas dëshmisë që ka dhënë vetë i riu, kanë qënë katër persona, të cilët nuk ka arritur ti identifkojë, ata që dhunuan duke i shkaktuar plagë të rënda në kokë e trup 20 vjeçarit Dacaj.
Ai është dërguar në urgjencën e spitalit të Lezhës nga një banorë i zonës që e gjeti të riun në gjendje kritike. Sipas bluzave të bardha, gjendja e tij paraqitet e rënduar përshkak të plagëve që ka marrë dhe se për këtë arsye ai po mbahet nën mbikqyrjen e tyre.
Policia ka bërë të ditur se për zbardhjen e kësaj ngjarjeje ka nisur hetimet si dhe po punon për identifikimin e autorëve të këtij sulmi. Përshkak se autorët nuk janë identifikuar dot nga 20 vjeçari nga Rrila, Edi Dacaj, si dhe faktit që në vendin ku ndodhi ngjarja nuk kishte dëshmitarë dhe kamera sigurie, idenfitikimi i tyre bëhet shumë i vështirë. Vetë Dacaj ka deklaruar se nuk ka patur konflikte personale apo familjare që mund të ndihmonin uniformat blu për zbardhjen e ngjarjes. /Nga Gjergj FIGURI/
