Një ngjarje e rëndë është parandaluar nga policia. Ndërhyrja në kohë e uniformave blu, ka neutralizuar një burrë, i alkoolizuar, i cili ka qënë në prag të kryerjes së një vepre shumë të rëndë. Detajet e ngjarje s që fatmirësisht është parandaluar, janë bërë të njohura nga komunikata e policisë.
Një 40-vjeçar në Vlorë ka tentuar të djegë dy fëmijët e tij duke i spërkatur me benzinë. Fatmirësisht ka ndërhyrë policia duke arritur t’i shpëtoj në kohë. Gjithçka ka ndodhur kur Zigur Veshi është nisur nga shtëpia me fëmijët e mitur 3 dhe 4 vjeç duke njoftuar të vëllanë se do vriste fëmijët dhe veten.
Menjëherë vëllai i tmerruar ka njoftuar policinë. 40-vjecari ka shkuar posht shtëpisë së vjehrrit ku gjendej dhe bashkëshortja
e tij e cila ishte larguar nga banesa një ditë më barë. Pasi ka folur në emër bashkëshortes kjo e fundit ka dalë në ballkon. Ai ka nxjerr një bidon me benzinë 1.5 litra dhe është spërkatur me të dy fëmijët. Policia e cila ishte njoftuar më parë i ka bërë thirrje mos të kryente veprimin e gabuar, pasi po rrezikonte fëmijët. Ai nuk e ka dëgjuar thirrjen dhe ka nxjerrë çakmakun.
Sapo ka tentuar ta ndezë është neutralizuar menjëherë prej policisë. Babai është transportuar për në polici së bashku me fëmijët. Në vëndin e ngjarjes ka mbërritur dhe mamaja e 40-vjecarit e cila ka kërkuar të marr fëmijët ndërkohë që vjehrra e tij dëshmon se ai është i alkoolizuar.