“E gjetëm në kushte të mjerueshme, me xhama të thyer”, Tonin Marinaj për transformimin e Gjimnazit “Sherif Hoxha” në Koplik

Shkruan në Facebook Tonin Marinaj, kryetar i Bashkisë Malësi e Madhe: Transformimi i Gjimnazit “Sherif Hoxha” Koplik.

E gjetëm në kushte të mjerueshme, me xhama të thyer, me mësim me turne, me banka dhe karrige të dëmtuara, me çati të amortizuar, me rrjet elektrik që rrezikonte jetën e stafit, me ngrohje me gaz jashtë standarteve etj. Një gjimnaz që nuk mund të përfaqësonte Malësinë e Madhe.

Sot gjimnazi më i rëndësishëm i bashkisë sonë, paraqitet dinjitoz dhe me kushte komode për mësuesit dhe nxënësit. Gjithashtu projektet e ardhshme do të mbështesin të rinjtë e të rejat në iniciativa të dobishme dhe pozitive për vetë nxënësit dhe komunitetin.