“E dija se Shqipëria ka sëmundje kundër skuadrave të vogla…”, Reja: U treguam të qullët dhe të lexueshëm…

Edi Reja u shpreh i zhgënjyer pas ndeshjen kundër Andorrës dhe për “Supersport”, ai tha se kishte pritur më shumë nga kuqezinjtë dhe një rezultat pozitiv.

“Sigurisht që nuk e nisëm mirë që në fillim ndeshjen. Nuk më pëlqeu qëndrimi i skuadrës në fushë dhe prisja më shumë nga kjo ndeshje dhe nga rezultati.

Golat e pësuar? Ishim pak mendjelehtë dhe na vuri në vështirësi ana psikologjike. Kemi bërë paraqitje shumë më të mira dhe nuk e dija pse sot ishim shumë të qullët, të lexueshëm. E dinim që Andorra do të mbyllej dhe nuk e kuptova këtë lloj rendimenti në fushën e lojës.

Formacioni? Bare rrezikonte skualifikimin edhe pse është shumë dinamik. Kundër Andorrës doja që të provoja të tjerë futbollistë. Kishim zgjedhje të limituara sepse edhe Gjasula mungoi. Kisha lojtarë që nuk i kisha provuar dhe rrezikova pak shumë. U përshtata pak por ishte manovër shumë e lehtë në fushën e lojës. Doja diçka më shumë nga skuadra dhe nga këta lojtarë. Shpresoj t’i marr ndeshjen e radhës.

E para që bëja pas grumbullimit ishte të vija pikat mbi “i” për këtë ndeshje por nuk ndodhi. E dija që Shqipëria ka sëmundje për ekipet më të dobëta kurse me skuadrat më të forta luajmë më mirë. Jemi zhgënjyer. Ishim më ekspertë dhe më teknikë dhe shpresoja në një rezultat më pozitiv.”, tha Reja.

loading...