Makinat vidhen në Shkodër por gjenden në Ashtë të Vau- Dejësit. Të paktën kështu ka ndodhur me dy grabitjen e fundit të dy mjeteve motorike, një Benz dhe në Pezho. Policia ka bërë të ditur se dy mjetet janë gjetur në fshatin që i përket Bashkisë Vau- Dejës, në aksin Shkodër- Lezhë. Policia nuk jep detaje për mjetet e gjetura, por nënkuptohet se ato nuk janë dëmtuar nga vjedhësit.
“Në vijim të komunikatës datë 26.05.2018, që bën fjalë për vjedhjen e mjetit tip “Benz, të shtetases F.Xh., vjeçe 67, banuese në Shkodër, më datë 27.05.2018, në fshatin Ashtë, Vau i Dejës, mjeti u gjet i braktisur. Punohet për identifikimin dhe kapjen e autorit. Neni 134 i Kodit Penal.
Më datë 27.05.2018, gjatë natës, në lagjen “Skenderbeg”, pranë banesës, shtetasit Gj.Q., vjeç 29, i kanë vjedhur mjetin tip “Peugeot”, i cili u gjet i braktisur në fshatin Ashtë, Vau i Dejës. Punohet për identifikimin dhe kapjen e autorit. Neni 134 i Kodit Penal.”, thuhet në komunikatat e policisë lidhur me dy grabitjet.
