Portieri lezhjan 18 vjeçar Simon Simoni ka shënuar një tjetër arritje duke nënshkruar me skuadren gjermane Eintracht Frankfurt.
Ka nisur karrieren e tij me Besëlidhjen, duke vijuar me Shënkolli, më pas me Dinamon, por tashmë do të mbajë numrin 41 si portier i Frankfurt Eintracht.
Lajmi është bërë i ditur si në mediat gjermane ashtu edhe në faqen zyrtare të 18 vjeçarit Simon Simoni.
Në mediat e shkruara gjermane ndër të tjera citohet :
“Eintracht Frankfurt ka nënshkruar me talentin portierin Simon Simoni nga klubi shqiptar i kategorisë së dytë FK Dinamo. 18-vjeçari ka nënshkruar kontratë deri më 30 qershor 2027, njoftoi klubi i Bundesligës të martën.
Në sezonin aktual, Simoni ka luajtur tashmë tetë herë për ekipin e parë të klubit nga kryeqyteti i Shqipërisë Dinamo. Ai është gjithashtu portieri i kombëtares U21 dhe u thirr për kombëtaren e moshave në qershor, sipas një deklarate”. /Nga Lindita KOKAJ/
