Rreth orës 08:00, në aksin rrugor “Shirokë-Shkodër”, shtetasja E. M., duke drejtuar automjetin, dyshohet se ka humbur kontrollin dhe për pasojë automjeti ka përplasur shtetasin S. Rr., i cili lëvizte me biçikletë. Nga aksidenti është dëmtuar shtetasi S. Rr., i cili është dërguar në spital, ku ka ndërruar jetë pak pas mesditës. Grupi hetimor po punon për sqarimin e rrethanave të aksidentit.
Specialistët e Sektorit të Qarkullimit Rrugor në DVP Shkodër referuan materialet në Prokurori, ku nisi procedimi në gjendje të lirë për shtetasin A. T., 26 vjeç, banues në fshatin Trush, pasi ditën e djeshme, në unazën perëndimore të qytetit të Shkodërs, duke drejtuar automjetin, ka përplasur shtetasen F. M., 67 vjeçe, këmbësore. 67-vjeçarja ndodhet në Spitalin Rajonal Shkodër, jashtë rrezikut për jetën.
