Dy vajza adoleshente, të cilët mendonin se kishin kapur ëndrrën për modeling në Nju Jork, u shpëtuan nga trafikimi për prostitucion nga një roje vigjilente e linjës ajrore.
Të rejat kaliforniane të moshës 15 dhe 17 vjeç për pak u bënë viktima të një rrjeti prostitucioni, po të mos ishte agjentja amerikane e aviacionit Denice Miracle.
Sipas The Sun, dyshja po përpiqej të udhëtonte pa u identifikuar, me dy bileta të klasit të parë të rezervuara nga një person tjetër duke përdorur një kartë të rreme krediti.
Ato kishin vetëm biletë vajtjeje, gjë që i përforcoi dyshimet.
Miracle tha:
Ato kishin çanta të vogla dhe e shikonin njëra-tjetrën të frikësuara. Më dukej sikur po largoheshin nga shtëpia. Ishte një biletë e klasit të parë dhe unë thirra sherifin.”
Vajzat zbuluan se një njeri i quajtur “Drey” në Instagram i kishte ftuar në Nju Jork për të fituar vetëm në fundjavë 2,000 dollarë duke punuar si modele dhe duke luajtur në video muzikore. Pas kësaj, prindërit e vajzës kanë falenderuar agjenten e vëmendshme që i shpëtoi vajzat./joq/