Në redaksinë e ShkodraWeb ka mbërritur një mesazh, sipas të cilit zona e Dukagjinit ka tre ditë pa energji elektrike. Sipas komunikimit me personin që ka dërguar mesazhin, Shala, Shoshi dhe Pulti, nuk marrin energji elektrike.
Personi në fjalë tregon se është komunikuar edhe me OSHEE- në, e cila është mjaftuar duke thënë se ka defekt në linjën e tensionit të lartë, në zonën e Kirit (NJA Pult), po punohet dhe së shpejti do të rikthehet energjia elektrike. Vetëm Thethi dhe Ndërlysa marrin energji elektrike.
ShkodraWeb ka detyrim përcjelljen e këtij shqetësimi ndërsa jemi të hapur për çdo reagim apo komunikim të mundshëm nga OSHEE, e cila ka të drejtë të japë versionin e vetë lidhur me këtë mesazh.
Më poshtë, mund të gjeni edhe komunikimin elektronik ndërsa mirëpresim për ti dhënë hapësirën tonë mediatike edhe reagimeve të tjera, qoftë nga qytetarët, qoftë edhe nga OSHEE apo kompani tjetër që merret me shpërndarje- furnizimin e energjisë elektrike.
