Aktivistja Evi Kokalari ka publikuar dokumente, që tregojnë se ish Ministri i Brendshëm Saimir Tahiri, përgjatë vitit 2020, ka paguar 20,000€ për trimestër një kompanie lobimi në Amerikë që të “pastronte emrin”.
Sipas Kokalarit kjo ka ndodhur mbas investigimit në Itali.
“Saimir Tahiri në 2020 i paguante 20,000€ për trimestër një kompanie lobimi në Amerikë që të “pastronte emrin” e tij mbas investigimit në Itali.
Domethënë, meqënëse u gjend i fajshëm, Saimir Tahiri pagonte 20,000 € për trimestër që të gënjente politikanët Amerikan”, shkruan Kokalari në rrjete sociale, ku ka nxjerrë edhe dokumentet që vërtetojnë pagesën.
Kujtojmë se Tahiri u dënua të premten nga Apeli i GJKKO-së me 3 vite e 4 muaj burg, nga 12 vite që kërkoi SPAK, për shpërdorim detyre.