Fakulteti Juridik i Universitetit të Shkodrës “Luigj Gurakuqi”, do të futet në proces zgjedhor për postin e dekanit. Vendi ishte vakant dhe sipas ligjit, rektori Tonin Gjuraj komandoi në këtë detyrë Irma Barakun.
Në funksion të këtij procesi, rektori Gjuraj ka nxjerrë edhe urdhrin përkatës, i cili sanksionon që zgjedhjet duhet të mbahen me datë 24 qershor 2025. Zyrtarisht, fushata ka nisur me datë 4 qershor 2025.
Përveç dekantit të Juridikut, do të votohet edhe për pozicione të tjera, të cilat mund të shikoni në dokumentin më poshtë. Rektori Gjuraj përmbush kështu një tjetër prioritet, zbatimin e ligjshmërisë në çdo aspekt të funksionimit të institucionit që drejton.
Po ashtu, janë hapur rregullisht procedurat e konkurimit publik, sipas Rregullores së Punësimit për administratë dhe staf, vetëm mbi bazë kriteresh dhe meritokracisë.
Specifikisht për Fakultetin Juridik, zgjedhja me votim e dekanit, konsiderohet risi pas shumë viteve që ai është emëruar nga rektorët e UNISHK. /ShkodraWeb/
