Procesi i përzgjedhjes së administratorit të ri të Universitetit “Luigj Gurakuqi” të Shkodrës, ka përfunduar në Gjykatën Administrative. Pak orë pasi Bordi i Administrimit të UNISHK rrëzoi ankimimin e kandidates Kozeta Jana (Marku), ShkodraWeb ka mësuar se ajo ka depozituar një ankimim në Gjykatën Administrative.
Në dokumentin e siguruar nga ShkodraWeb dhe që mund ta shikoni të plotë më poshtë, kandidatja në garë Kozeta Jana (Marku) i kërkon gjykatës “sigurim padie”, duke pezulluar çdo efekt të vendimit të Bordit të Administrimit deri në gjykimin në themel nga kjo gjykatë, të çeshtjes,
Bëhet me dije se në Gjykatën Administrative është paraqitur “Padi në Gjykatën Administrative dhe kerkesë për sigurim padie”. Si rregull, kjo gjykatë duhet të shqyrtojë çeshtjen brenda një afati 5 ditor, përsa kohë kërkohet “sigurim padie”, brenda datës 23 prill 2026.
