Presidenti Ilir Meta njofton se ka shpallur procedurën e aplikimit për plotësimin e vakancës së parakohshme të krijuar për vendin vakant gjyqtar në Gjykatën Kushtetuese, pas shkarkimit nga KPA të gjyqtarit Besnik Muçi, që Meta e kishte dekretuar pa kaluar vetingun. Në këtë shkresë siguruar nga ShkodraWeb, Meta ka dekretuar vakancën dhe bën njoftimin publik për këtë procedurë.
Vetë Besnik Muçi e kundërshtoi vendimin e KPA-së dhe deklaroi se do të vijonte në detyrën e anëtarit të Gjykatës, pasi sipas tij, procesi i rivlerësimit, i nisur për shkak të statusit si prokuror, do të duhej të ishte ndërprerë, duke qenë se nga momenti i kryerjes së betimit si anëtar i GJykatës Kushtetuese, statusi si prokuror kishte përfunduar.
Por gjatë takimit që ai pati sot paradite me presidentin Meta, Kreu i Shtetit, sipas njoftimit zyrtar nga zyra e tij e shtypit “i kërkoi zotit Muçi që të vlerësonte mundësinë që të rishikonte qëndrimin e tij më të fundit për të kërkuar nga Gjykata Kushtetuese që të shprehej me vendim për të deklaruar përfundimin e mandatit të tij si gjyqtar kushtetues”.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
