Dilema e 29 nëntorit 1944, si çdo vit vazhdon edhe sivjet. Akoma nuk ka një version zyrtar e të besueshëm, nëse kjo datë ishte vertetetë e çlirimit nga pushtimi nazi- fashist i vendit apo u vendos si shumë të tjera, nga regjimi që nisi të instalohej.
Hulumtuesi e studiuesi i arkivave shqiptare dhe jo vetëm, Kastriot Dervishi, vijon të publikojë dokumente, që sipas tij, vertetojnë se 29 nëntori nuk konsiderohej si datë çlirimi nga ata që “zbritën nga malet”.
“Më 22.5.1945 nuk dihej ende kur kishte kaluar “gjermani i fundit”. Kjo u mor vesh me ligjin nr.155, datë 9.11.1945 “Mbi kremtet zyrtare”, në nenin 2, pika 2 u caktua 29 nëntori si “përvjetori i çlirimit të Shqipërisë”.
Gëzuar shokë ditën e parë të regjimit komunist, e cila asnjëherë nuk do t’i bashkojë shqiptarët!”, shkruan Dervishi, duke publikuar një dokument nga arkivat shqiptare.