Rektorja e Universitetit “Luigj Gurakuqi” të Shkodrës Prof. Dr. Suzana Golemi firmos urdhërin për hapjen e ciklit të tretë të studimeve, Doktoratë në “Ekonomi dhe turizëm të qëndrueshëm”.
Për këtë, rektorja Golemi ka firmosur një urdhër, duke përcaktuar edhe afatet e regjistrimit të të interesuarve në këtë doktoraturë pranë Fakultetit Ekonomik.
Projekti MARDS, për hapjen Doktoratë në “Ekonomi dhe Turizëm të Qëndrueshëm”, është fituar si rezultat i punës së suksesshme të stafit të Fakultetit Ekonomik në projekte të shumta të tipit, TEMPUS, ERASMUS+, CEEPUS etj.
Bëhet fjalë për doktoraturën, e cila hapi një debat publik mes rektores Golemi dhe Fakultetit Ekonomik, pas paralajmërimit për sanksione financiare për Universitetin e Shkodrës nëse ky cikël studimesh nuk do të hapej.
