DOKUMENTI/ “I është refuzuar viza amerikane…”, Petrit Vasili i kundërpërgjigjet aludimeve të “Zërit të Amerikës”…

Zëri i Amerikës pretendon se ish-kryetarit të grupit parlamentar të LSI, Petrit Vasili, i është refuzuar viza për në SHBA. Kjo u bë e ditur gjatë intervistës që kryetarja e LSI, Monika Kryemadhi po jepte në studion e Zërit të Amerikës me gazetaren Menada Zaimi.

Lidhur me këtë lajm, mediat kanë kontaktuar nënkryetarin e Lëvizjes Socialiste për Integrim, Petrit Vasilin, i cili i habitur ka pohuar që ai për herë të fundit ka marrë një vizë të tipit A2, tre mujore, në qershorin e vitit të kaluar, kur edhe ka udhëtuar në drejtim të SHBA, në një vizitë në Kongresin amerikan.

Sipas tij, “viza ka skaduar në shtator dhe që nga ajo datë, nuk ka aplikuar më”.