Ambasadori Donald Lu do të largohet nga Shqipëria. Shtëpia e Bardhë njofton se ditën e djeshme iu dërguan Senatit emrat në nivel diplomatësh për t’u miratuar, ndërsa mes tyre është edhe emri i ambasadorit amerikan në Tiranë. Donald Lu pritet që të jetë ambasador i Amerikës në Republikën e Kirgistanit.
Ambasadori Donald Lu ka qenë një nga nxitësit më të mëdhenj të miratimit dhe zbatimit të Reformës në Drejtësi në Shqipëri. Diplomati nuk ka ngurruar që në shumë raste të përmende direkt emrat e politikanëve në parlament, por edhe të kryetarëve të bashkive e që sipas tij janë të prekur nga dekriminalizimi.
