Bordi i Administrimit të Universitetit “Luigj Gurakuqi” të Shkodrës, ka njoftuar mbledhjen e tij të radhës me datë 18 maj 2026, ora 12:00. ShkodraWeb ka siguruar njoftimin që u është shpërndarë në rrugë elektronike 7 anëtarëve të BA- së, ku bëhet i ditur edhe rendi i ditës i mbledhjes që mund ta lexoni më poshtë.
Pikë e parë e rendit të ditës, është pikërisht shqyrtimi i një shkrese që Bordit të Administrimit, i është dërguar nga Drejtoria Juridike, Sektori i Burimeve Njerëzore në UNISHK, me firmën e përgjegjësit Genc Boriçi. Në shkresën e siguruar nga ShkodraWeb, të cilën mund ta lexoni më poshtë, konstatohet se Administratori i UNISHK, plotësoh kriteret e daljes në pension me 20 maj 2026.
Përveç këtij dokumenti, anëtarëve të Bordit të Administrimit, u është vënë në dispozicion edhe një material i përgatitur nga Administratori i UNISHK, përmes të cilit jepen argumente se pse nuk duhet të përfundojë mandati për shkak të arritjes së moshës së pensionit. Dokumenti, i siguruar nga ShkodraWeb, mund të lexohet më poshtë.
Mbledhja e datës 18 maj 2026 e Bordit të Administrimit, pritet të jetë e nxehtë dhe jo vetëm për shkak të pikës së rendit të ditës që lidhet me vijimin ose jo të mandatit të administratorit të UNISHK. /ShkodraWeb/
