Avokati Spartak Ngjela ka analizuar situatën politike të krijuar në vend. I pransihëm në një intervistë në emisionin “Kjo Javë”, në News 24, ai tha se të gjitha lëvizjet e politikanëve shqiptarë kanë vetëm një qëllim, i cili ka të bëjë me krijimin e një destabilitet politik për të ruajtur gjërat që i kanë vjedhur vendit.
Sipas avokatit, me themelimin e qeverisë teknike në Shqipëri, do të nisë shumë shpejt arrestimi i politikanëve të cilët janë kapur me vjedhje dhe këto dosja tha ai kanë ardhur nga Amerika dhe janë të dokumentuara nga FBI-ja.
“Situata është në favor të progresit të reformës në drejtësi. Pala e të korruptuarve iku nga loja, iku vetë. Po ta shikosh me vëmendjen u eliminua shumë shpejt. Ndërkombëtarët janë në favor të reformës në drejtësi. Maxhorancën ata e kanë me vete. Rama nuk ka më fuqi”, u shpreh Ngjela.
Ndërsa referuar protestave të opozitës, ai tha se ata kanë falimentuar.
“Këta kanë falimentuar, në shesh ishin 800 veta. Parlamenti vijon punën. Këtë javë do të fillojë SPAK. Qeveria teknike do të ngrihet, ndërsa do të nisin arrestimet e politikanëve. Dosjet kanë ardhur. Këta janë të trembur nga reforma në drejtësi. Seç do të dalë në gjykatë, do të fitojnë apo jo pavarësi, është çështje gjyqi. S’ka gjë në dorë Rama. Sa të fillojnë arrestimet, do të vijë qeveria teknike dhe do të vijnë nga jashtë. Ka nisur rekrutimi. Këta janë lapaculë që nuk duan drejtësi. Zgjedhjet janë për popullin. Data e zgjedhjeve është ligjore dhe ka koncept ligjor.
Tremben se ata e kanë marrë seriozisht. Gjënë e vjedhur këta nuk e shpëtojnë. Reformën në drejtësi tani do të presim. Këtë javë do të jetë Prokuroria e Posaçme. Dosjet e FBI kanë ardhur. Të korruptuarit i tremben. Janë për destabilizimin e Shqipërisë, sepse duan të fshehin gjënë e vjedhur”, tha Ngjela.
