“Mungesë efikasitetit, efektivitetit, produktivitetit dhe cilësisë në punë”! Ky është motivacioni që burokratët e Bashkisë Shkodër kane gjetur si shkak për të nisur procedurën e shkarkimit tim nga puna si aktor i trupes së Teatrit “Migjeni” në Shkodër.
Një letër bakalli, sipas një relacioni të përgatitur nga Zyra e Kulturës në Bashkine e Shkodrës, e gatuar nga pseudo-artistë, të cilët sot kanë vesh petkun e zyrtarit, me paskan vlerësuar edhe cilësinë dhe produktivitetit. Dhe aftësinë time skenike.
Por unë nuk do dorëzohem, do i faktoj të kundërtën e pretendimeve të tyre, të cilët paskan marrë edhe peshoren e cilësisë së artit te aktrimit. Hijet e zeza që po i sillen Teatrit “Migjeni” e nisën me mua dhe me kolegun Vladimir Dodaj, atë që e kanë nisur një vit më parë kur i hoqën autonominë teatrit, duke e shkrirë si institucion të varësisë.
Projektet ogurzeza të individëve hakmarrës, dëmet që i janë shkaktuar këto dy vite dhe do shkaktohen në të ardhmen, do jenë aq të mëdha.
Ndërsa unë dinjitetin tim do e mbroj me çdo kusht. Nuk do bëj asnjë hap pas!
Ditët në vazhdim e deri në fund, do jem përballë padrejtësisë që më është bërë. Individët përgjegjës, do kenë mundësinë të përgjigjen para organeve të ligjit për paligjshmëritë e tyre. As unë s’ do e kem personale! /Nga Simon SHKRELI, publikuar në Facebook/
Më poshtë gjeni angazhimet e aktorit Simon Shkreli nga viti 2006- 2025, të publikuara nga vetë ai në rrjetet e tij sociale:
Per gjith ata te pa informuarit, militantet, shkrues deklaratash ( ish koleg). Per ju sulmues me buton urdherues nga ” Madheria e tij”.
Me poshte keni angazhimin tim nga viti 2006 e deri sot ne Teatrin ” Migjeni” Shkoder!
2006, “ O vajzen, o komunen” nga Qazim Çela, regjia Fatbardh Smaja
2009, “Midis dy dhimbjeve” nga Fadil Kraja, regjia Elez Kadria
2010, “ Birre, gozhde dhe sapun” nga Stefan Çapaliku
2012, “Shtat shaljanet” nga Ndrek Luca, regjia Fatbardh Smaja
2014, “Rendesia e te qenurit I ndershem” nga O. Wilde, regjia F. Smaja
2015, “Kandili I Argjandit” nga M. Camaj, regjia F. Smaja
2016, “Danimarka, toka jone” nga S. Çapaliku, regjia S. Çapaliku
2016, “Nene Tereza, kur ishte Gonxhe” nga B. Kozeli, regjia Merita Smaja
2016, “Pas vdekjes” nga A.Z.Çajupi, regjia A.Begolli
2017, “ Nje zjarrfikes ne oborrin e teatrit”, nga Stefan Çapaliku, regjia S. Çapaliku
2017, “Tartufi” nga Molieri, regjia Kushtrim Bekteshi
2018, ” Gomari i Babatasit” nga At’ Gjergj Fishta, regjia Altin Basha
2018, ” Reigen” nga Arthur Shnicel, regjia Alois Galle
2018, ” Jugori” nga Reiner Werner Fassbinder, regjia Dino Mustafiq
2019, “ Zona e pritjes” nga Marina Vujçiq, regjia Fatos Berisha
2019, “Kumarxhiu” nga Carlo Goldoni, regjia Michele Modesto Casarin
2020, “ Black box” nga Paolo Sorentino, regjia Fatos Berisha
2021 “Anmiku ne shtepi” nga Ernest Koliqi, regjia Fric Selmani, ne kuader te festivalit “KOLIQIANA”
2022- “Gjâja” nga Joe Orton, regjia Altin Basha
2022- “Zhurma jashte skene” Michael Frayn, regjia Enke Fezollari
2023 Shkurt-Korrik: Drejtues i kursit 6 mujor te aktrimit per femije organizuar nga Bashkia Shkoder dhe BE
2024 ” Mall per vendlindjen” regjia Justina Alija
2024 Regjisor shfaqja ” Ariu” ne kuader Shkodra Youth Festival me shkollen ” Adem Haxhija” Postrribe
2025 Regjisor shfaqja ” Emigrantet” ne kuader te Shkodra Youth Festival, me shkollen ” Jordan Misja” Shkoder
Çmime dhe vleresime:
2016, “Aktori me I mire ne rol episodik” ne festivalin e 46 te Teatrit ne Ferizaj- Kosove
2019, “ Aktori me I mire ne rolin dytesore” ne festivalin e 49 te Teatrit ne Ferizaj-Kosove
2025, ” Shfaqja me e mire” ne festivalin Shkodra Youth Festival.
Te gjitha keto jane bere me mungese ” efikasiteti, efektiviteti, produktiviteti dhe pa cilesi” sipas Drejtorise se Kultures ne Bashkine e Shkoder
p.s. ” MOS DERGO DELET ME KAP UJKUN”
