Djaloshi 15- vjeçar nga Shkodra siguron pasaportën por mungojnë paratë për ti shpëtuar jetën…

Historia e 15-vjeçarit nga Shkodra, Musa Baculi i cili ka tre muaj që ndodhet në reanimacionin e Shkodrës preku jo pak qytetarët. Musa Baculi është në gjendje të rëndë shëndetësore, sepse në gusht të këtij viti shkoi pa puls në spital pasi rrezikoi të mbytej në ujërat e Shirokës.

Në luftë mes jetës dhe vdekjes, e vetmja mundësi për shpëtimin e 15-vjeçarit është dërgimi në Xhenova. Rasti u bë publik dhe tashmë personi që po ndihmon me mbledhjen e fondeve është hoxhë Elvis Naçi.

Ndërkohë që duhen 50 mijë euro për transferimin e tij, një pengesë tjetër ishte pajisja me pasaportë e adoleshentit. Por, famtirësisht Musa Baculi ka tashmë një pasaportë por jo edhe paratë e nevojshme.

Elvis Naçi shkruan:

“Pasaporta e Musa Baculi u bë brenda një dite, i falënderoj të gjithë ata që ndihmuan në arritjen e kësaj vepre të mirë.”
Elvis Naçi, hoxha i njohur që bën emisionin “Shqiptarët për Shqiptarët” në News 24, ka marrë përsipër si rast për t’i gjetur përmes humanizmit të qytetarëve shumën prej 50 mijë euro që duhet në mënyrë që 15 vjeçari të kurohet në një spital të Xhenovas në Itali.

Pajisja me pasaportë për adoleshentin e sëmurë ishte një domosdoshmëri por ai nuk mund të lëvizte nga shtrati për tu pajisur. Sfida e parë tashmë quhet e kaluar por mijëra euro i duhen adoleshentit për tu kuruar jashtë vendit më konkretisht në Itali në spitalin e Genovas.

Naçi shkruan:

“Aksioni vazhdon, jemi bashke me nenën e Musa Baculi me shpresën se Musai do shpëtoje, te gjithë bashke ne ketë rast tragjik për te shpëtuar një jete!”