Një sasi e konsiderueshme eksplozivi ka shpërthyer në banesën e shtetasit Marin Begeja në fshatin Kukël të Bashkisë Vau Dejës, ndërsa ndodhej pas derës së shtëpisë. Ai mori disa dëmtime por i shpëtoi këtij shpërthimi. Marin Begeja është djali i Tom Begejës. Ky i fundit në gusht të vitit 2002 u egzekutua nga forcat e policisë në Kukël pasi më përpara akuzohej se kishte egzekutuar 5 persona mes të cilëve, një grua shtatzënë dhe djalin e tij 25 vjeçar.
Marin Begeja ka dyshime se vendosja e eksplozivit ka ardhur vetëm si shkak i ngjarjeve të shumta që ka lënë të hapura babai i tij, ndërsa tregon se eksplozivi ka qenë i telekomanduar. Nga ky shpërthim mund të kishin rrezikuar fëmijët e fshatit që shkojnë në shkollë çdo mëngjes. Marin Begeja kërkon që policia ta zbardh sa më parë këtë ngjarje sepse familja e tij është e frikësuar.
Babai i 43 vjecarit, Tom Begeja në vitin 2002 ishte i shumëkërkuar për policinë pasi akuzohej si autor i 5 vrasjeve dhe një tentative për vrasje në vitet 1993-2000. Policia kishte dështuar 3 herë për ta kapur Tom Begejën. Ngjarjet e 17 viteve më parë duket se po e përndjekin edhe sot familjen Begeja duke i vënë tritol djalit, Marin Begejas, baba i 6 fëmijëve.
