Një shumë marramendëse parash, paraprakisht flitet për 2 milion euro, është grabitur sot rreth orës 15:30 nga persona ende të paidentifikuar në Rinas. Ndryshe nga sa u raportua fillimisht, raportohet se grabitja ka ndodhur brenda aeroportit të Rinasit e jo në rrugë.
Po kështu mësohet se forcat RENEA janë vënë në ndjekje të autorëve, ndërsa e gjithë Tirana është në shtetrrethim. Në të gjithë kryeqytetin dhe rrugët hyrëse e dalëse me Tiranën janë ngritur postblloqe nga policia.
Informacionet e para folën për një furgon të bardhë me mbishkrimin “Hetimi tatimor”, me të cilin lëviznin autorët. Një person ka mbetur i vrarë por nuk dihet ende identiteti.
