Kanë qenë duke lëvizur në afërsi të kryqëzimit të “5 Heronjëve” në aksin nacional Shkodër- Koplik dhe janë përplasur nga një automjet. Bëhet fjalë për dy gra, njëra vjehrra dhe tjetra nusja, sipas asaj çfarë pohon Policia e Shkodrës. Përplasja ka qenë fatale, ndërsa dy gratë janë dërguar me urgjencë në Spitalin Rajonal të Shkodrës. Vjehrra, një shtetase me inicialet H.B., 58- vjeç ka ndërruar jetë.
Ndërkohë, gruaja tjetër, me iniciale E.B., 18- vjeç, e identifikuar si nusja e gruas së parë, është në gjendje të rëndë për jetën. Sipas informacioneve, 18- vjeçarja është shtatzënë. Drejtuesi i mjetit që përplasi dy gratë është nga Boriçi i Vogël në M.Madhe. Më poshtë, njoftimi i policisë për ngjarjen e rëndë.
Informacion Paraprak
Më datë 13.03.2019, ora 14.05, në aksin rrugorë Shkodër-Koplik, në vendin e quajtur “5 Heronjt”, lagje Dobraç, Shkodër, mjeti me drejtues shtetasin S. D. banues në Boriç i Vogël Malësi e Madhe, ka aksidentuar dy këmbësore.
Shtetasja H. B. 58 vjeçe, banuese në Shkodër, e cila ka ndërruar jetë në Spitalin Rajonal Shkodër dhe E. B. 18 vjeçe, ndodhet nën kujdesin e mjekëve.
Drejtuesi mjetit është shoqëruar në ambjentet e D. V. P Shkodër për veprime të mëtejshme po kryhen veprimet me Grup Hetimor për sqarimin e rrethanave të aksidentit.
