Një aksident fatal raportohet të ketë ndodhur para pak minutash në rrethrrotullimin e Tapizës, në Tiranë, me pasojë humbjen e jetës së dy personave.
Burime policore bëjnë me dije se një makinë tip ‘Audi’ më targa AA086 RF ka dalë nga rruga dhe si pasojë kanë humbur jetën drejtuesi i mjetit E.H. 34 vjeç dhe një pasagjere me inicialet RR.Gj. 28 vjeçe dhe kanë mbetur të dëmtuar dy pasgjerë të tjerë. Dy pasagjerët e lënduar janë transportuar për në spital. Më poshtë njoftimi i Policisë së shtetit për ngjarjen e rëndë
Tiranë/Informacion paraprak
Në segmentin Tapizë-Kamëz tek rrethrrotullimi i Tapizës, mjeti markes Audi më targa AA 086 RF, që drejtohej nga shtetasi E.H, 34 vjeç, ka humbur kontrollin duke dalë nga rruga. Për pasojë ka gjetur vdekjen drejtuesi i mjetit si dhe pasagjerja shtetasja RR.Gj 28 vjeçe.
Gjithashtu janë dëmtuar dhe janë transportuar për në spital për momentin jashtë rrezikut për jetën edhe dy shtetase të tjera që ishin pasagjere në këtë mjet.
Grupi hetimor ndodhet në vendngjarje dhe po punon për përcaktimin e plotë të shkakut të daljes nga rruga.
