41-vjeçari i identifikuar nga Policia si Devi Kasmi, eshte qelluar mbremjen e kesaj te hene me 5 plumba, 4 nga te cilet e kane prekur ne trup dhe i kane shkaktaur vdekjen e menjehereshme. Viktima njihet si person me precedente penalë dhe se në momentin që u ekzekutua, ne brez kishte dy pistoleta. Ai nuk kishte shume dite qe ishte kthyer ne Shqiperi, pasi jetonte ne Spanje.
Mesohet se 41-vjeçari eshte qelluar ne nje rrugice ne erresire, teksa sapo kishte dale nga shtepia.
Familja e tij eshte e njohur ne Tirane, pasi babai i te ndjerit, Bilbil Kasmi ka qene aktor. Nje nder filmat qe kishte luajtur ai eshte “Intendenti”, prodhuar nga Kinostudio “Shqipëria e Re” në vitin 1980 me metrazh të shkurtër, si dhe “Çeta e vogël”. Kasmi aktualisht është edhe president i Sindikata Autonome e Ushqimit, Agrikulturës, Tregtisë e Turizmit të Shqipërisë (SAUATT).
