Dështon mbledhja e radhës e Këshillit Bashkiak Shkodër, nuk arrihet kuorumi i këshilltarëve në sallë…

Dështon mbledhja e radhës e Këshillit Bashkiak Shkodër. Si edhe herë të tjera shkak është bërë mungesa e kuorumit të nevojshëm për fillimin e saj sipas ligjit.

U prit me shpresë se do të vijnë 2 këshilltarë, të cilët u njoftuan dhe dhanë fjalën se do të bëheshin pjesë e mbledhjes. Është pritur më shumë se 45 minuta pas orës 17.00 kur ishte njoftuar fillimi i mbledhjes.


Askush nuk ka ardhur dhe në sallë nuk ka qenë e mundur të bashkohen 26 këshilltarë të të fillonte mbledhja e “parlamentit” të Bashkisë Shkodër.

Nuk është mbledhja e parë dhe sigurisht as e fundit ku konstatohet dështim për shkak të mungesës së kuorumit. Edhe mbledhjen e sotme si në të kaluarat, nuk kanë munguar debatet dhe shpotitë mes këshilltarëve për mos zhvillimin e mbledhjes.

Mësohet se mbledhja e parashikuar për sot, është shtyrë për ditën e martë, 27 shtator, gjithmonë nëse do të arrihet kuorumi i nevojshëm për zhvillimin e saj. /ShkodraWeb/