Deputeti i Shkodrës Benet Beci në krye të komisionit parlamentar për reformën territoriale- administrative si përfaqësues i PS- së…

Këtë të enjte, pritet të miratohet në seancë plenare të Kuvendit ngritja e dy komisioneve të posaçme parlamentare: Për reformën zgjedhore dhe atë territoriale- administrative.

Partia Socialiste i’ a ka besuar deputetit të Shkodrës Benet Becit bashk drejtimin e komisionit për reformën territoriale.


Një figure e re parlamentare, por një njohës i situatës në terren për shkak të detyrave të cilat ka mbajtur më herët do të jetë bashkëkryetar i komisionit të posaçëm së bashku me një nga deputetët demokrat.

Siç dihet, Beci ka qenë për shumë vite në krye të Fondit Shqiptar të Zhvillimit dhe për shkak të projekteve në të gjitha anët e Shqipërisë, vështirë që ndonjë nga deputetët të njohë më mirë territorin dhe problematikat që shoqëruan ndarjen territoriale të miratuar pak para zgjedhjeve të 2015- ës.

Mazhoranca e Edi Ramës kërkon uljen e numrit të bashkive, një objektiv që bie ndesh me atë të demokratëve.

Lulzim Basha deri më tani ende nuk ka asnjë emër të bërë publik përveç Enkelejd Alibeaj i cili do të bashkë-drejtojë me socialistin Damian Gjiknurin reformën elektorale. Ndërsa për reformën territoriale, pritet të mësohet bashkë kryetari që do të jetë në krah të deputetit Benet beci.