Një deklaratë e fortë është bërë mbrëmë nga gazetari investigativ në lidhje me një nga ministrtat e qeverisë “Rama 2”. Basir Çollaku tha se dy ministra të kabinetit të sotëm të Partisë Socialiste janë përgjuar të flasin për “sasi parash”, por nuk preferoi të flasë me emra.
Ndërkohë,sot deputeti i PD-së Agron Shehaj zbulon njërin prej tyre. Sipas tij, referuar informacioneve nga disa media, njëri nga ministrat është Damian Gjiknuri dhe është njëri nga zyrtarët e përfshirë në hetimet e Prokurorisë së Elbasanit.
“Sipas mediave, Ministri Gjiknuri është i përfshirë në hetimet e Prokurorisë së Elbasanit. Në një vend normal, prokuroria duhet të sqarojë opinionin publik nëse është e vërtetë”, shkruan Shehaj.
Ndërkohë, mbrëmë gazetari Çollaku deklaroi: “Në Elbasan ka një dosje ku janë te përfshirë dhe dy emra ministrash që kanë dalë nga përgjimet e një subjekti tjetër. Edhe pse nga transkriptimet janë zbuluar emrat e tyre, ata nuk janë thirrur nga prokuroria. Dy ministra të qeverisë së sotme kanë folur me subjektin për sasira parash. Kjo dosje është në prokurorinë e Elbasanit, por ka shkuar dhe në gjykatë.”
Basir Çollaku ka thënë gjithashtu se nuk preferon ti thotë emrat e ministrave për momentin, por pret nga Prokuroria dhe Gjykata t’i thërrasin dy ministrat në hetim. Pra flitet për shuma të mëdha parash dhe nuk merren nën hetim, kjo është absurde.
