Partia Demokratike e ka vendosur: Primaret brenda saj për përzgjedhjen e listës së kandidatëve për deputetë, do të zhvillohen. Marrin fund kështu dilemat për zhvillimin e një procesi statuor brenda partisë më të madhe të opozitës.
ShkodraWeb ka siguruar një mesazh whatsapp që është shpërndarë kryetarëve të degëve të PD- së këtë pasdite, ku u kërkohet kryetarëve të degëve që duan ti nënshtrohen primareve, të japin dorëheqje deri me 26 janar 2025.
Si mund ta lexoni edhe vetë, në këtë mesazh, mes të tjerave thuhet:
“Pershendetje, per shkak te pergatitjes se rregullores procedurale te gares per Primare, të cilat do te perzgjedhin kandidaturat e PDSH per zgjedhjet per Kuvendin 2025; ne zbatim te pikes 4 neni 12 te statutit te PDSH,
Ju informoj se nese keni vendosur te garoni ne primare, duke u perfshire ne rrethin e kandidaturave elektorale, brenda dites se Diele date 26 janar 2025, duhet te depozitoni doreheqjen tuaj nga pozicioni i kryetarit te deges pran[ Sekretariatit te Organizimit. Dite te mbare.”.
Brenda datës 26 janar 2025, do të mësohet se sa nga degët do të mbeten pa kryetarë për shkak të primareve, ndërsa nuk është e qartë nëse pas primareve, kryetarët e dorëhequr dhe që nuk përfshihen në listat e kandidatëve për deputetë, mund të rimarin postet e tyre apo jo.
