Kryetarja e Bashkise Shkoder Voltana Ademi ishte e ftuar ne emisionin Open ne Top Channel. Ne qender kane qene ngjarjet e fundit ne Shkoder por edhe situata e rende e rendit keto 12 muajt e fundit. Ademi ka shpjeguar qendrimin e saj ne takimin e sotem ne Prefekturen e Shkodres, repliken me drejtorin e pergjithshem te policise Veliu, duke thene se une fola qarte dhe qete si qytetare dhe jo politikisht.
Situaten e rendit ne Shkoder e ka konsideruar te rende, ndersa Ademi ka bere deklaraten e forte. “A e dini se kush i ka nderruar drejtoret rajonale ne Shkoder? Nuk jane te PD-se por mazhorances. Ka patur drejtore qe jane perdhunuar ne zyrat e tyre nga krimi. Kur them perdhunim, e kam ne kuptimin e dhunes fizike. Une nuk kam informacione, por mjafton te pyesni policine apo prokurorine per te marre me shume informacion. Keni pare si kane ndryshuar drejtoret e Hipotekes, spitalit, drejtorine e transportit etj.”.
Duke folur per situaten e krijuar Ademi ke thene se “Sipas perceptimit tim, 50% e atyre qe jane vrare nuk kane qene pjese e bandave. Une dhe administrata e Bashkise Shkoder, kemi zgjedhur transparencen per ti prere rrugen krimit. Ka veshtiresi por ne po e bejme. Edhe per kete arsye, une nuk ndjehem e kercenuar. Kur kam patur dicka per ta denoncuar, e kam bere”, ka shtuar Ademi.
