Drejtoria Arsimore Rajonale e Shkodres mund te kaloje ne Qarkun e Lezhes. Kjo mund te ndodhe pas formatimit te ideuar nga disa dikastere qendrore, pas zvoglimit te numrit te drejtorive rajonale sipas sektoreve. Alarmit i ka rene kryetari i Sindikates se Pavarur te Arsimit per Shkodren, Arian Peraj i cili ka bere edhe nje apel publik ne profilin e tij ne Facebook. Peraj shkruan: “Të nderuar:
-Deputetë të Qarkut Shkoder.
-Drejtues të pushtetit lokal.
-Drejtorisë Arsimore Rajonale Shkodër.
-Të gjithë të interesuarve që duan të kontribuojnë për këtë detyrim qytetar.
Duke mos dashur të bëjmë përsëritje por me dëshiren e mirë për të kontribuar aq sa kemi mundësi të gjithë së bashku në zhvillimin e arsimit në rajonin tonë si dhe me pergjegjësinë e përfaqsimit të mësuesave të këtij rajoni, ju bëjmë thirrje të bashkërendojmë të gjithë veprimtarinë në mbrojtjen e historisë së pasur të arsimit në Shkoder, në zhvillimin dhe konsolidimin e kësaj vlere krenare për ne, në një takimi me këtë arsye të organizuar në Shkoder.
Mundësia e kalimit të Drejtorisë Rajonale të Arsimit në qytetin e Lezhës do të ishte një cënim i pafalshëm për historinë e arsimit në Shkoder, një mohim për traditat arsimdashëse të qytetit të dijes dhe të kulturës,dhe një zhvlerësim fyes për kontributin themelues të shkollës shqiptare nga qindra e mijëra mësues shkodranë e më gjërë në historinë e këtij procesi aq të rëndësishëm për një komb.
Ndaj ju ftoj të gjithëve në ditët në vijim në një takim të organizuar nga ne si sindikatë me qëllimin e vetëm për lobimin e të gjithëve që të mbrojmë këtë të drejtë që i takon Shkodres si kryeqendra e arsimit,kultures dhe dijes.
Faleminderit dhe mirënjohje për të gjithë kontribuesit.”. /ShkodraWeb/
