NEWS I ShkodraWeb.com

ShkodraWeb Media – E Verteta të bën të lirë!

Dalin rezultatet e para, shqiptarët mbështesin kandidatin e mazhorancës në garën për president në Maqedoninë e Veriut…

Dalin rezultatet e para nga Komisioni Shtetëror Zgjedhor në Maqedoni për zgjedhjet Presidenciale. Nga kutitë e para të hapura në nivel kombëtar kryeson Stevo Pendarovski me 64% kundrejt kandidates së opozitës Gordana Siljanovska me 32%.

Maqedonia e Veriut votoi sot për Presidentin e ardhshëm të vendit. Në garë janë dy kandidatë, Stevo Pendarovski, i partive në pushtet të udhëhequr nga social-demokrati, Zoran Zaev dhe Gordana Siljanovska-Davkova, kandidate e VMRO DPMNE-së, që drejtohet nga Hristijan Mickovski.


Votimet u hapën në orën 07:00 të mëngjesit dhe u mbyllen në orën 19:00 të mbrëmjes. Të drejtën e votës e kishin rreth 1.8 milionë persona në 3512 vendvotime. Zgjedhjet janë të vlefshme, pasi u arrit pragu mbi 40%. Pas mbylljes së votimeve ka nisur numërimi, ndërsa nga rezultatet e para kryeson Stevo Pendarovski.

Copyright © ShkodraWeb Media ׀׀ Të gjitha materialet tona mund të përdoren lirisht nga mediat e tjera por duke përmendur burimin se nga është marrë informacioni.
Për t’u abonuar në kanalin tone në YouTube ShkodraWeb TV mjafton të klikoni: SUBSCRIBE dhe do të informoheni me lajme me video por dhe argëtoheni pa fund me humor të zgjedhur! Për të marrë njoftime për video të reja, ABONOHU tani!