Pas ngjarjes së rëndë të ditëve të fundit, shefi i Komisariatit të Shkodrës, Vasil Çela është shkarkuar sot nga detyra. Konfirmohet se lirimi i Vasil Çelës nga detyra është pasuar me zëvendësimin e tij nga Lorenc Meta, i cili do të jetë nga sot shefi i Komisaritit të Shkodrës.
Dy ditë më parë pas pritës ndaj vëllezërve Astrit dhe Brahim Bilali, u shkarkua edhe drejtori i Policisë së Shkodrës, Vehbi Bushati dhe në vendin e tij u emërua Niko Brahimi. Këtë lajm e ka bërë të ditur vetë Ministri Lleshaj natën e vrasjes në Shkodër.
“Kemi marrë një vendim të rëndësishëm për të ngarkuar në krye të drejtorisë së policisë së Shkodrës një drejtues të ri që vjen nga Tirana, Niko Brahimi. Ngarkohet sot me sigurinë e Shkodrës. Kam besimin e plotë se do të japë impulse të reja dhe do të shënojë rezultate të reja dhe për të siguruar atë që Shkodra meriton. Ne do të bëjmë gjithçka në shërbim të sigurisë. Ndryshimi bëhet për ti dhënë impuls të ri të gjithë procesit të punës së drejtorisë vendore në Shkodër. Ne synojmë të arrijmë një fazë të re për të dhënë goditje vendimtare dhe për të zhbllokuar ato metastaza të fundit që kanë mbetur pa u zhbllokuar në qytetin e Shkodrës,’ tha Lleshaj.
