Nga Arian PERAJ
E ashtëquajtura “shoqëri civile” në Shqipëri është e formuar nga këta individë :
A. Elemente të cilët nuk kanë zënë vend në asnjë forcë politike sepse kanë probleme edhe me veten e tyre.
B.Elemente të paguar nga institucionet nderkombëtare me taksat e taksapaguesve evropianë.
C. Elemente të infiltruar nga e majta shqiptare për të kontrolluar çdo frymë qytetare dhe progresiste.
Të gjitha këto fasha të shoqërisë civile i bashkon një motiv, mashtrimi recidiv me pavarësinë e tyre nga e majta dhe shuarja e çdo proteste civile, kur e majta është në pushtet apo kur lufta brenda së majtës ka nevojë për “valvul shfryerjeje”.
Le të kujtojmë pak disa raste më pikante.
– Lufta e Edi Ramës ndaj Fatos Nanos duke përdorur si “çerr”, “civilistin” Veliaj. Shpërblimi ndaj këtij të fundit u pa qartë.
– Protesta për “armët kimike”, për të mos mbajtur fjalën që iu dha Rama nderkombëtarëve duke përdorur “shoqërinë civile” si shkak kundershtie. Të mos harrojmë se kjo ndodhi 3 muaj pas marrjes së pushtetit dhe pas kësaj e majta “fitoi bindshëm” të gjitha zgjedhjet e rradhës.
– Protesta për mosprishjen e Parkut të Liqenit, ku “kokoshi u kthye në një thelë”, pasi “civilistët” pasi përfituan bonuset e premtuara, u terhoqën dhe të gjithë e shikojmë fatin e Parkut të Liqenit !
– Kjo e fundit, për të liruar nga Drejtoria e Policisë të arrestuarit për protesten e Rrugës së Kombit.
Të mjerë “civilistë”, por peng të “Akademisë majtisto-sorosiane”, tashmë jeni të lexueshëm lehtë.
Siç duket Rama, për të shuar protestën që po i shpërthen në çdo kënd të vendit, do të tërhiqet duke i liruar të arrestuarit e mbrëmshëm, duke anashkaluar dhe sfomuar aksionin opozitar për të bërë me këtë rast protagonistë “të tijtë” që gjithmonë reagojnë me telekomandën e tij.
Jo, jo “civilistë të Ramës”, Ramen do ta rrëzojë populli opozitar, opozita e bashkuar, njerëzit patriotë të këtij kombi, ndersa ju vemje do vazhdoni të zhgërryheni në “jargët e Ramës”.
