Për herë të parë që nga 7 prilli, në Itali, numri i personave të shtruar në terapi intensive ka shënuar sot një rritje, e po ashtu edhe numri i jetëve të humbura.
Sipas mediave italiane, në 24 orët e fundit 66 persona ndërruan jetë, ndërsa numri i personave të infektuar mbeti i qëndrueshëm, në të njëjtin nivel si dje.
333 persona rezultuan sot pozitivë, ku pjesa më e madhe në Lombardi, 216. Numri i përgjithshëm i personave të infektuar me korona virus në Itali ka shkuar në 238159, ndërsa 34514 persona kanë humbur jetën.
Numri i të shëruarve ka shkuar në 180544, ku 24 orët e fundit lanë spitalin 1089 persona.
