Prej më shumë se 10 ditësh vrasja e një krimineli të rëndomtë nga forcat RENEA është kthyer në kryefjalë të mediave. Raportimet e shpeshta por edhe të besdisshme deri në detajen më të parëndësishme, kanë zënë hapësira të pamata në shirita video, audio e rreshta portalesh. Ajo çfarë është e pakuptueshme por jo e pashpjegueshme, lidhet me pozicionimin e mediave shqiptare. Ato të Greqisë e kanë prioritet shpalosjen e nacional- shovinizmit përballë fqinjëve shqiptarë. Po cili është interesi i mediave shqiptare pët ti kushtuar një vëmendje kaq të madhe vrasjes së Kostandinit, i cili me armë në dorrë kundërshtoi forcat RENEA?
Natyrisht, vrasje e çdo individi qoftë ai shqiptar etnik apo minoritar me dyshtetësi, përbën lajm. Aq më shumë, kur vrasja paraprihet nga akte terrori siç është përdorimi i armës kundër policisë. Deri këtu, jemi në kufinjtë e detyrimit edhe profesiona të mediave për të raportuar. Por nuk mjaftoi me kaq. Çdo ditë, çeshtja “Kacifas” ishte kryetemë. Nga familjarët e afërt deri tek katundarët e thjeshtë greko- shqiptarë të Bularatit, u kthyen në personazhe me rrëfimet e “detajet” e tyre. Natyrshëm çdo gjë ecte në drejtimin e idesë së “Vorio Epirit”, deri në atë pikë sa një kriminel i rëndomtë u paraqitet edhe si hero ikësaj ideologjie.
E sot, në ditën e varrimit të viktimës së mendjes së vet, i njëjti trajtim. Bularati i ngjan një fshati grek. Pavarësisht se territor sovran i Shqipërisë, ai përcillet përmes mediave vetëm me ngjyrat bardheblu. Të ngjan se po varroset një grek, le të themi…në qendër të Athinës. Demostrohet haptas “Vorio Epiri”, janë pjesëmarrës në varrim 9 priftërinj grek, ajo eurodeputetja greke dhe rreth 3500 mbështetës ekstremistë të idesë vorioepirotase. E të gjitha këto lajme vijnë përmes pasqyrimit të mediave shqiptare. Shqiptare, të paktën në emërtesë.
Tani ta shohim në një kënvështrim tjetër. Sa janë shqiptarët e vrarë në Greqi, sa nga ata janë vrarë të pafajshëm edhe nga policia greke? Sa hapësirë zënë në mediat helene? Po në mediat tona shqiptare? Pse jeta e një krimineli qoftë edhe grek që u vra me armë në dorë kundër policisë, duhet të ketë më shumë vlerë se ajo e një shqiptari të pafajshëm, hallexhi i vrarë në tokë greke?
Ecim edhe më përtej. A e imagjinoni dot një tubim të ngjashëm me atë sot në Bularat për një kriminel, të realizohet për çështjen çame në fshatin më të humbur të Greqisë? A do të lehohej një demonstrim i ngjashëm si ai në territor shqiptar me flamuj grekë? A do të lejohej shqipja dykrenare të valëvitej në tokat që iu rrëmbyen padrejtësisht shqiptarëve në Çamëri? A do të kishte jehonë në mediat greke siç ka në mediat shqiptare çeshtja “Kacifas”? Po mediat shqiptare, a do të ishin kaq të interesuara?
Të gjitha janë pyetje retorike. Përgjigjen e tyre e dimë të gjithë. Ne edhe kur bëjmë një manifestim pro Çamërisë në tokën tonë shqiptare, fqinjët na e marrin për provokim… Siç e dimë dhe fatkeqësisht po provohet këto ditë, se qeveria greke financon me para mediat shqiptare. Si një “Kolonë e pestë”. A ka nevojë për provë më të fortë se kjo?
Kjo që po ndodh këto ditë, vetëm gazetari, raportim lajmi nuk është. Nuk është as profesionalizëm apo “detyrim profesional”. Në rastin më të mirë është vasalitet i pakuptimtë i mediave shqiptare ndaj një shteti që akoma ka pretendime territoriale mbi Shqipërinë. Që nuk ngurron ti shprehë as në ditëmortin e një “heroi” të sajuar të “Vorio Epirit”. Në rastin më të keq, mediat tona janë të blera. Ashtu siç e kanë pohuar edhe zyrtarët më të lartë të shtetit helen. Prej mëse 10 ditësh mediat shqiptare po bëjnë propagandë pro- vorioepirotase në tokën tonë. Propagandë anti- shqiptare. Mbase tani është momenti të ndjehet shteti shqiptar. Nëse vertetë pretendojmë se kemi shtet shqiptar…. /Nga Blerti DELIJA/
