Vllaznia u mposht me rezultatin 1 me 0 nga Bylisi në transfertë. Pas ndeshjes së vlefshme për javën e 15-të të Superiores foli trajneri Tomas Brdariç. Trajneri i kuqebluve deklaroi:
“Ne kishim mesazh para se të fillonte loja, pasi Gurishta nuk mund të vazhdonte. Na mungonte dhe Krymi në qendër, që me Salën është i fortë, sidomos në këto ndeshje ku duhet të fitosh shumë duele në qendër. Lejuam një gol sot dhe pastaj kishim 80 minuta për të shënuar, sot jemi shumë të mërzitur pasi kishim ide të vinim këtu dhe të fitonim ndeshjen. Nuk më pëlqeu performanca sot, nuk ishte e mjaftueshme për të fituar.
Nuk jam nervoz me gjykimin, kam adrenalinë. Po pyesja pse dha vetëm 3 minuta e gjysmë shtesë. Ekipi i Bylisit vonoi lojën, por e dimë si funksionon këtu. Pëson gol dhe duhet të punosh dyfish për t’u kthyer në lojë. Po pyesja pse nuk patëm më shumë minuta shtesë.
Nuk dua të flas për lojtarët që nuk janë në fushë. Është ndryshe kur Gurishta dhe Krymi janë në fushë. E dinim që fusha e Ballshit do të ishte kështu dhe do ishte lojë ndryshe nga e jona, nuk mund të luash futboll. Duhet të jesh i fokusuar, kishim situata që mund të shënonim në zonën e tretë. Por duhet të jesh më efektiv, nëse nuk godet nuk mund të fitosh.
Jam i mërzitur, nuk duhet të lejojmë këto gjëra. Kemi objektiva. Këto ndeshje si sot për ne janë shumë të këqija, por e dimë që do kthehemi. Kemi tri ndeshje në fushën tonë, që është më e mirë.
Sot duhet me qenë i qetë dhe të mos ankohemi. Nuk ishte çdo gjë e keqe sot, por përsëri nuk mbajtëm portën e paprekur, kishim mundësi. Kemi pritje nga lojtarët që fusim nga stoli, për të treguar performancë.
Do mendojmë çfarë mund të ndryshojmë, diçka për më mirë. Nuk është e thënë po ndryshove do fitosh, sidomos në këto kushte. E dinim që kushtet janë ndryshe, për ndeshjet e ardhshme do kemi zgjidhje më tepër për të fituar”, u shpreh Brdariç për RTSH.
